peter wynn thomas is fun

nid llyfr newydd heini gruffudd i ddysgwyr mo hwn, ond gêm a ddyfeisiais i wrth gerdded i'r llyfrgell bore 'ma. rwy'n darllen gramadeg cymraeg PWT ers sbel erbyn hyn - ac er fod e'n ddiddorol dros ben mae'n od pa mor aml y byddi di'n edrych am rywbeth penodol ynddo fe a fydd e ddim yna.

dyma 'ngêm i felly: creu brawddegau sy'n cynnwys cymaint o'r pwyntiau gramadegol 'ma â phosibl. 'sai gramadeg PWT yn robot, dyma'r brawddegau a barai i'r stêm ddod mas o'i ddau glust, y cwestiynau a wnelai iddo sgrechian "does not compute!" a ffrwydro. cŵl.

dyma'r enghraifft a luniais i bore 'ma:

• Efallai taw y tro cyntaf imi chwarae mah jong oedd e, ac rwy'n cofio bod y rheolau mor anodd eu dilyn nes imi dwyllo heb sylweddoli drwy gymryd rhagorach ddarn.

patrymau yma rwy'n ffaelu eu ffeindio yn PWT:

• efallai + cymal enwol
  
• y tro cyntaf + imi + berfenw
• anodd + ei/eu + berfenw
• mor... nes...
• drwy + berfenw (pan fydd yn disgrifio "dull")
  

ond pwy a ŵyr - efallai bod nhw i gyd yn fan'na wedi'r cwbwl. rwy heb bennu'r llyfr 'to!