rwy 'di bod yn meddwl am sut gymaint o ffilmiau gan kurosawa sy 'na nad wy 'di eu gweld. gwarthus, a finnau'n gymaint o ffan o'r boi - rwy'n gweld y fwyafrif o'r sawl rwy'n eu 'nabod yn hollol wych (a dim ond un sy wir yn gas 'da fi...).
dyma'r ffilmiau rwy'n dala heb eu gwylio er 'nghywilydd:
- sugata sanshirō (judo saga, 1943)
- ichiban utsukushiku (the most beautiful, 1944)
- zoku sugata sanshirō (judo saga 2, 1945)
- subarashiki nichiyōbi (one wonderful sunday, 1945)
- yoidore tenshi (drunken angel, 1948)
- shizukanaru ketto (the quiet duel, 1949)
- shubun (scandal, 1950)
- hakuchi (the idiot, 1951)
- dodesukaden (1970)
- hachigatsu-no rapusodī (rhapsody in august, 1991)
- mādadayo (1993)
rwy'n gwybod hefyd nad yw dodesukaden yn boblogaidd iawn, ond rwy'n hoff iawn o'r ffilm a wnaeth e nesa', derusu uzāra (dersu uzala, 1975), felly rwy'n frwd o weld beth arall roedd e lan i yn y 70au! rwy'n rhagweld ambell i noson yn ein tŷ newydd ni yn ohio yn gwylio'r ffilmiau 'ma dros yr hydre' i ddod.
7 comments:
Ydy 'Hakuchi' yn ymwneud mewn unrhyw ffordd â Dostoeffsci?
ydy - mae nifer o ffilmiau 'da fe a'u seiliau mewn llenyddiaeth rwsieg.
mae donzoko (the lower depths) wedi'i seilio ar ddrama gan gorky (ffilm dda - diddorol ei gwylio hi ac addasiad jean renoir o'r un ddrama gyda'i gilydd!).
mae dersu uzala wedi'i seilio ar lyfr rwsieg hefyd rwy'n credu - ac maen nhw'n gweud bod 'na ffilmiau eraill sy'n cael bethyg syniadau gan awduron rwsieg.
"diddorol ei gwylio hi ac addasiad jean renoir o'r un ddrama gyda'i gilydd..."
rwy newydd sylwi nad fy syniad gwych i oedd hyn, ond syniad y bobl a ryddhaodd nhw yn yr un bocs ar dvd.
^^'
A dweud y gwir, dim ond "Seven Samurais" o ffilmiau Kurosawa nes i ei gweld.
ffefryn i finnau - wnest ti ei joio hi?
rwy'n leicio ei stwff ar wahan i'r pethau samurai 'fyd, fel ei ffilmiau noir, a rhai am fywyd yn japan yn y degawdau ar ôl y rhyfel.
(rwy'n siwr y leiciet ti ikiru.)
Dw i ddim yn cofio achos mod i wedi ei gweld hi amser maith yn ôl.
Da iawn Asuka. Makkuro kurosuke ar ben pob post!
diolch
emma
reese
ond
paid
â
bod
yn
rhy
swnllyd
rhag
ofn
y
dychryni
di
nhw
bant...
Post a Comment